Ці замнога адчаю і болю, Ці зглынуў нас уедлівы быт? Шыфаньерамі, кнігамі, мольлю Гэты дом дастатку набіт. Тут па лесьвіцы крочаць бы ўпотай: Хто – з балонкай, хто – з рыжым катом. Тэлевізіяй, сьпешкай, самотай Да астатку заселены дом. Праўда, скінецца дружна і разам На пакойнага люд па рублю. I засьведчыць сьцяна безадказна Нажавою зарукай «люблю». Стукне ў шыбіну мячык дзіцячы, – Вецер схопіць гардзіны кілім. Ў гэтым доме сьмяюцца і плачуць, Але рэдка сьпяваюць у ім.
|
|